“ඇවෙන්ජර්ස් එන්ඩ් ගේම්” නවතම පෝස්ටර් එකතුවක් එළිදකියි

ඇවෙන්ජර්ස් සිනමාවලියේ අවසන් චිත්‍රපටය “ඇවෙන්ජර්ස් එන්ඩ් ගේම්” හි නවතම පෝස්ටර් එකතුවක් පසුගිය අඟහරුවාදා (26) එළිදැක්වූවා.

ඒ සිනමා නිර්මාණය එළිදැක්වීමට හරියටම මාසයක කාලයක් තිබියදී යි.

මින්පෙර තිරගත කළ ඇවෙන්ජර්ස් ඉන්ෆිනිටි වෝර් සිනමාපටයේ දී මියගිය මාවල් වීරයින්ගේ පෝස්ටර් කළු සුදු පැහැයෙන් ද තෝර්, අයන් මෑන්, කැප්ටන් ඇමරිකා, කැප්ටන් මාවල් ඇතුළු ජීවත්ව සිටින මාවල් වීරයින්ගේ පෝස්ටර් වර්ණවත්ව ද එහිදී එළිදක්වා තිබෙනවා.

ඇන්තනි රූසෝ සහ ජෝ රූසෝ අධ්‍යක්ෂණය කළ ඇවෙන්ජර්ස් එන්ඩ් ගේම් එළඹෙන අප්‍රේල් 26 වැනිදා සිට ප්‍රදර්ශනය ආරම්භ කෙරේ.