නොත්‍ර දාම් ගොඩනගන්න ඩිස්නි සමාගම ආධාර දෙයි
ගින්නේ හානියට පත් පැරිසියේ නොත්‍ර දාම් දේවස්ථානය පිළිසකර කිරීමට ඩිස්නි සමාගම ඩොලර් මිලියන 5ක මුදලක් පරිත්‍යාග කර තිබේ.
නිවේදනයක් නිකුත් කරමින් එම සමාගමේ ප්‍රධාන විධායක නිලධාරී බොබ් ඉගර් මේ බව ප්‍රකාශ කර ඇත.
“නොත්‍ර දාම් කියන්නේ ප්‍රංශයේ හදවත බඳු පැරිසියේ සුන්දරත්වය පිළිබිඹු කළ බලාපොරොත්තුවේ ගිනි දැල්ල, ඒ වගේම දශක ගණනාවක පටන් ප්‍රංශයේ ආත්මය බඳු තැනක්,” යනුවෙන් ඩිස්නි සමාගමේ ප්‍රධාන විධායක නිලධාරීය පවසා තිබේ.
ඒ අනුව පසුගිය බදාදා වනවිට සමස්ත ආධාර මුදල් ප්‍රමාණය ඇමරිකානු ඩොලර් 900 ඉක්මවා ඇති බව එරට සංස්කෘතික අමාත්‍යංශය නිවේදනය කර ඇත.
ප්‍රංශ ගත්කතුවර වික්ටර් හියුගෝගේ “The Hunchback of Notre Dame” කෘතිය ඇසුරින් ඩිස්නි සමාගම 1996 දී ඇනිමේෂන් සිනමාපටයක් නිර්මාණය කර තිබේ.
