ජනමාධ්‍ය ඡායාරූප ප්‍රදර්ශනයට ඡායාරූප භාරගැනේ

ශ්‍රී ලංකා ඡායාරූප මාධ්‍යවේදීන්ගේ සංගමය විසින් සංවිධාන කරන ජනමාධ්‍ය ඡායාරූප තරගය සඳහා නිර්මාණ භාර ගැනීම මේ දිනවල සිදු කෙරේ.

ප්‍රවෘත්තියක වටිනාකමක් සහිත ඡායාරූප යන තේමාව යටතේ සංවිධාන කෙරෙන මෙම තරගය සාමාජික සහ සාමාජික නොවන යන අංශ දෙක යටතේ පැවැත්වේ. ඒ අනුව එක් අයෙකුට ඡායාරූප ඉදිරිපත් කළ හැක්කේ එක් අංශයක් සඳහා පමණක් වේ. එසේම එක් අංශයකට ඉදිරිපත් කළ හැකි උපරිම ඡායාරූප ගණන 10 කි. සෑම ඡායාරූපයකටම එයටම සුවිශේෂී මාතෘකාවක් අනිවාර්යයයෙන් තිබිය යුතු ය. Untitle සහ No title වැනි වචන නොපවතිය යුතු ය.ඉදිරිපත් කරනු ලබන ඡායාරූප වර්ණ හෝ ඒක වර්ණ විය යුතු ය.

ඡායාරූප භාරගන්නා අවසන් දිනය මැයි 31 වේ.

ජනමාධ්‍ය ඡායාරූප ප්‍රදර්ශනය පැවැත්වෙන්නේ ජූලි මස 26,27 සහ 28 යන දිනවලදී කොළඹ JDA පෙරේරා කලාගාරයේ දී ය.

වැඩි විස්තර සඳහා www.facebook.com/Photojournalists-Association-of-Sri-Lanka පිවිසෙන්න.