''අම්මේ මේ මහත්තයා කියනවා දකුණු කකුලට තියෙන ඉන්ෂුවරනස් එත ගත්තොත් මෙහේ හඳුංකුරු පැකට් එක්ස්පෝර්ට් කරන්න මාව මසෙකට සැරයක් ඇමරිකා එක්කං යනවලු… වම් කකුලට තියෙන ඉන්ෂුවරන්ස් එක ගත්තොත් මහමෙව්නාවෙන් ඉම්පෝර්ට් කරපු බුදුපිළිමයක් මේ දැන් නොමිලේ දෙනවලු … ඉතිං මට මොකක් ද ගන්නේ…?

ම්ම්ම්… ම් එහෙනං දකුණු කකුල විගහට ගනිං…''

ප්‍රභාත් හේමන්ත කුමාර විසින් රචනා කරන ලද ‘හිරුත් එක්ක හෙලූවැල්ලෙන්’ නවකතාව ලබන ජනවාරි 25 වැනිදා පස්වරු 3ට කොළඹ, ජාතික පුස්තකාල හා ප්‍රලේඛණ සේවා මණ්ඩල ශ්‍රවනාගාරයේදී එළිදැක්වීමට කටයුතු යොදා ඇත.

එහිදී පුබුදු ජයගොඩ, කේ. කේ. සමන් කුමාර, විදර්ශන කන්නන්ගර සහ උපුල් ශාන්ත සන්නස්ගල ඉහත කෘතිය පිළිබඳ දේශන පැවැත්වීමට නියමිතය.

සභාව මෙහෙයවීම සකී ආරච්චිගේ විසින් සිදු කිරීමට නියමිත අතර එයට Wakhan Thanka  සංගීත කණ්ඩායමේ ශාක්‍ය වීරසිංහගේ සංගීත මියැසියකින් රස ගැන්වීමට ද නියමිතය . 

‘හිරුත් එක්ක හෙලූවැල්ලෙන් ‘අහස පොත්’ ප්‍රකාශනයකි.

සහෘද කතා බහකට ඔබත් එන්න