“හෙට දවසේ සිනමාව” චිත්‍රපට උළෙලේ ප්‍රදර්ශනය කෙරෙන චිත්‍රපට මෙන්න

දෙරණ සිනමා සම්මාන උළෙලට සමගාමිව පැවැත්වෙන “හෙට දවසේ සිනමාව” චිත්‍රපට දැක්ම ජූනි මස දී පැවත්වීමට නියමිත යි.

මෙවර එය පැවැත්වෙන්නේ ජූනි 22 සහ 23 යන දෙදින ජාතික චිත්‍රපට සංස්ථා තරංගනී සිනමා ශාලාවේ දී යි.

මෙතෙක් තිරගත නොකළ සිනමා නිර්මාණ 5ක් එහිදී ප්‍රදර්ශනය කෙරේ.

එම සිනමාපට ප්‍රදර්ශනය කෙරෙන කාලසටහන පහතින්,

කසුන් චන්ද්‍රනාත් පතිරණගේ “නයිට් රයිඩර්” සිනමාපටය - ජූනි 22 වැනිදා සවස 2.30 ට

සුදේශ් වසන්ත පීරිස්ගේ “හුස්ම” සිනමාපටය - ජූනි 22 වැනිදා සවස 6 ට

සුජීව ප්‍රියාල්ගේ “සුපර්ණා” සිනමාපටය - ජූනි 23 වැනිදා උදැසන 10.30 ට

විජිත ගුණරත්නගේ “අමාවක” සිනමාපටය - ජූනි 23 වැනිදා සවස 2.30 ට

සුබා සිවකුමාරන්ගේ “නොමියෙන මතකය” සිනමාපටය - ජූනි 23 වැනිදා සවස 6 ට

මෙම දැක්ම නොමිලේ පැවැත්වේ.