ශ්‍රී ලංකා රාජ්‍ය ඡායාරූප උළෙල එළඹෙන 19 වැනිදා
රාජ්‍ය ඡායාරූප උපදේශක සභාව, ශ්‍රී ලංකා කලා මණ්ඩලය, සංස්කෘතික කටයුතු දෙපාර්තමේන්තුව සහ නිවාස,ඉදිකිරීම් හා සංස්කෘතික කටයුතු අමාත්‍යශය එක්ව සංවිධාන කරනු ලබන ශ්‍රී ලංකා රාජ්‍ය ඡායාරූප උළෙල 2019 අගෝස්තු 19 වැනිදා පස්වරු 2 සිට පැවැත්වීමට නියමිත ය.
ඒ නිවාස,ඉදිකිරීම් හා සංස්කෘතික කටයුතු අමාත්‍ය සජිත් ප්‍රේමදාසගේ ප්‍රධානත්වයෙන් කොළඹ 7, ජාතික චිත්‍රපට සංස්ථා තරංගනී ශ්‍රවනාගාරයේ දී ය.
උළෙලේ සම්මානලාභී ඡායාරූප හා තෝරාගත් ප්‍රශස්තතම ඡායාරූප ඇතුලත් ප්‍රදර්ශනයක් ද අගෝස්තු 23,24 සහ 25 තෙදින පෙරවරු 9.30 සිට පස්වරු 5 දක්වා කොළඹ ජේ.ඩි.ඒ. පෙරේරා අනුස්මරණ කලාගාරයේ දී පැවැත්වීමට කටයුතු යොදා තිබේ.
