චෙන්නායි ස්වාධින සිනමා උලෙළේ ප්‍රමුඛතම සම්මානය “ගාඩි”ට

ලොව පුරා ස්වාධින සිනමාකරුවන් දිරි ගැන්වීම සහ ප්‍රවර්ධනය උදෙසා තෙවැනි වරට සංවිධානය කළ චෙන්නායි ස්වාධින සිනමා උලෙළේ ප්‍රමුඛතම සම්මානය වන “එමරල්ඩ් ඩව්” සම්මානය තමන් සතු කරගැනීමට ප්‍රසන්න විතානගේගේ නවතම සිනමා නිර්මාණය “ගාඩි” පසුගියදා සමත් විය.

මෙම සිනමා උලෙළ පෙබරවාරි 8 සහ 9 දෙදින ඉන්දියාවේ චෙන්නායි නුවර දී පැවැත්වුණි.

සජිත අනුත්තර ඇන්තනි සහ ඩිනාරා පුංචිහේවා ප්‍රධාන චරිත මවන “ගාඩි” ප්‍රංශ මංගල දැක්ම අද (13) “2020 වෙසුල් අන්තර්ජාතික සිනමා උලෙළේ” දී සිදු කිරීමට නියමිත ය.

“ගාඩි” ළඟදීම මෙරට තුල ප්‍රදර්ශනයට කටයුතු සුදානම් කර තිබේ.