“අපේ තෙත් බිම් රැකගමු” නමින් කෙටි චිත්‍රපට තරගයක්
“අපේ තෙත් බිම් රැකගමු” මැයෙන් පැවැත්වෙන කෙටි චිත්‍රපට තරගයක් සඳහා නිර්මාණ බාර ගැනීම මේ දිනවල සිදු කෙරේ.
ජංගම දුරකථනයක් හෝ කැමරාවක් භාවිතා කර කෙටි චිත්‍රපටය නිර්මාණය කළ හැකි අතර එය විනාඩි 5-10 අතර කාලයකට සීමා විය යුතු ය.
පළමු ජයග්‍රාහකයින් තිදෙනාට සම්මාන, සහතික පත්, මුදල් ත්‍යාග සහ ශ්‍රී ලංකා පදනම් ආයතන සිනමා ඇකඩමිය විසින් 25%ක ශිෂ්‍යත්වයක් ලබා දීමට නියමිත ය. ඒ අනුව පළමු ස්ථානයට රුපියල් 75,000ක්, දෙවැනි ස්ථානයට රුපියල් 50,000ක්, තෙවැනි ස්ථානයට රුපියල් 25,000ක් බැගින් මුදල් ත්‍යාග හිමිවනු ඇත.
සිව්වන, පස්වන සහ හයවන ස්ථාන සඳහා රුපියල් දස දහසක මුදල් තෑගී සමඟින් සහතික පත් හිමිවේ.
කෙටි චිත්‍රපට මාර්තු 31 වැනිදාට පෙර යොමු කළ යුතු අතර වැඩි විස්තර 077 0413042/076 4550720 දුරකතන අංක වලින් හෝ This email address is being protected from spambots. You need JavaScript enabled to view it. යන විද්‍යුත් ලිපිනයෙන් ලබා ගත හැකි ය.
