චාමරට ඉක්මන් සුවය පතා පිංකම් රැසක්

හදිසි අනතුරකට ලක්ව කොළඹ මහ රෝහලේ දැඩි සත්කාර ඒකකයේ ප්‍රතිකාර ලබන නව පරපුරේ රංගන ශිල්පී චාමර ප්‍රියදර්ශනට ඉක්මන් සුවය පතා පවත්වන බෝධි පූජා පිංකමක් හෙට (22) දින උදැසන ද කැලණිය රජමහා විහාරයේ දී පැවැත්වීමට ඔහුගේ සහෝදර කලාකරුවන් පිරිසක් කටයුතු සුදානම් කර තිබෙනවා.  

කුරුල්ලන් සහ ගවයන් නිදහස් කිරීමේ පුජාවක් ද එදින සිදු කිරීමට නියමිත අතර හැකි සියලු දෙනා ඒ වෙනුවෙන් සහභාගී වන මෙන් කලාකරුවන් ඉල්ලා සිටි යි.     

රංගන ශිල්පී චාමර ප්‍රියදර්ශන හදිසි රිය අනතුරකින් තුවාල ලබා රෝහල් ගත කෙරුණේ ඉකුත් 15 වැනිදා ය.

චාමරට ඉක්මන් සුවය පතා ඔහුගේ සහෝදර කලාකරුවන් එක්ව පසුගිය දින කිහිපයේම බෝධි පුජා පිංකම් රැසක් පවත්වා තිබුණි.

ඔහුට ඉක්මන් සුව ප්‍රාර්ථනා කරමු!