“මංකි මෑන්” මුහුරත් උලෙළ දා

තරිඳු දේශප්‍රියගේ නවතම සිනමා අධ්‍යක්ෂණය “මංකි මෑන්” හි මුහුරත් උලෙළ පසුගියදා (23) විජේරාම රෝයල් තැප්‍රෝබේන් අවකාශයේ දී පැවැත්වුණි.

එම අවස්ථාවට සිනමාපටය සඳහා නිර්මාණ දායකත්වය ලබාදෙන කලාකරුවන් ඇතුළු පිරිසක් එක්ව සිටිය හ.

“මංකි මෑන්” සඳහා රංගනයෙන්  කළන ගුණසේකර, මනෝජා ෆර්නෑන්ඩු, ලක්ෂ්මන් මෙන්ඩිස්, දසුන් පතිරණ, මධුර ප්‍රභාෂ්වර, උදාර අබේසුන්දර, සංජීව දිසානායක, මදනායක, දනුෂ්කා ජයරත්න, ලසන්ත ප්‍රමුදිත, ලසන්ත ෆැන්සිස් එක්වීමට නියමිත ය.

තිර රචනය තරිඳු දේශප්‍රිය සහ කළන ගුණසේකර, කැමරාකරණය ඇඩම් ස්ට්‍රයිනර්, කලා අධ්‍යක්ෂණය චරිත් වික්‍රමතිලක, සංගීත අධ්‍යක්ෂණය විහඟ විජේසේකර, සංස්කරණය/ වර්ණ සංයෝජනය මලින්ද සම්පත්, සහය අධ්‍යක්ෂණය නාමල් ගමගේ, නිෂ්පාදන සැලසුම්කරණය ඩිලංක රංගනාත්, නිෂ්පාදන කළමනාකරණය රංජන එම්. රාජපක්ෂ, අංග රචනය මනනුවන් රූපසිංහ, ඇඳුම් නිර්මාණය නෙළුම් කුරුගලආරච්චි, නිශ්චල ඡායාරූපකරණය සෙහාන් කාවින්ද සහ නිෂ්පාදනය තරිඳු දේශප්‍රිය විසිනි.

ඡායා : සෙහාන් කාවින්ද