තරිඳු දේශප්‍රිය අධ්‍යක්ෂණය කළ කුළුදුල් සිනමා නිර්මාණය 'මන්කි මෑන්' චිත්‍රපටය මෙවර නයිජීරියාවේ පැවැත්වෙන 2023 Edo State International Film Festival සඳහා නිර්දේශ වී ඇත.

මෙම චිත්‍රපටයේ කළණ ගුණසේකර, ලක්ෂ්මන් මෙන්ඩිස්, මනෝජා ෆර්ඩිනැන්ස්, කෝරලගේ සමන්, උදාර අබේසුන්දර, දසුන් පතිරණ, සංජීව දිසානායක, රුවන් මදනායක, හසලක තුෂාර ඇතුළු නළුනිළියන් රැසක් රංගනයෙන් දායක වන අතර කැමරා අධ්‍යක්ෂණය - ස්ටයිනර් ඇඩැම්ස්, සංස්කරණය සහ වර්ණ සංයෝජනය - මලින්ද සම්පත්, අංග රචනය මනනුවන් රූපසිංහ, කලා අධ්‍යක්ෂණය චරිත් වික්‍රමතිලක, ශබ්ද පරිපාලනය සසික රුවන් මාරසිංහ, සංගීත අධ්‍යක්ෂණය එරංග ජයවර්ධන ඇතුළු පිරිසක් සිදු කර තිබේ.
'මන්කි මෑන්' ගීත රචනය, සම තිර රචනය, නිෂ්පාදනය සහ අධ්‍යක්ෂණය තරිඳු දේශප්‍රිය විසින් සිදු කරනු ලැබ ඇත. මෙය ලබන වසරේ මෙරට තිරගත කිරීමට සැලසුම් කර ඇති සිනමා සිත්තමකි.