එම්රාන් හෂ්මි තමන්ගේ රංගන ජීවිතය ආරම්භයේ සිටම 'සීරියල් කිසර්' (Serial Kisser) හැඳින්වීමෙන් මිදෙන්නට නොහැකි වූ නළුවෙකි. ඒ අනුරාගය අවුස්සන සුළු චිත්‍රපටවල එම්රාන්ගේ රඟපෑම් සහ එවැනි චිත්‍රපටවල ඔහුට හිමි වූයේද සෙල්ලක්කාර, ස්ත්‍රී ලෝලී චරිත වීමත් හේතුවෙනි.
කෙසේනමුත්, වසර කිහිපයක් ඇවෑමෙන් ඔහුගේම උවමනාව මත මෙම හැඳින්වීමෙන් මිදීමට ඔහු පියවර ගත්තේ වෙනස් ආරක කතා රැගත් චිත්‍රපටවල චරිතාංග රඟපෑම් සඳහා එම්රාන් යොමු වීම සමගය.
'සීරියල් කිසර්' යන හැඳින්වීමෙන් මිදෙන්නට වුණේ ඇයි? මේ ප්‍රශ්නයට පසුගියදා මේ නළුවා පිළිතුරු දී තිබුණේ කත්‍රිනා කයිෆ් සහ සල්මාන් ඛාන්ගේ ටයිගර් 3හි දුෂ්ඨ චරිතයට එම්රාන් රඟපෑමට එක්වීම ගැන පැවති කතා කළ මාධ්‍ය හමුවකදීය.
"සියලුම නළුවන්ට සදාකාලික උගුලක් තිබෙනවා. ඔබ වාණිජමය ප්‍රධාන චරිතයක් රඟපායි නම් ඔබ එහි චරිතයක හෝ වීරයෙකුට කොටු වෙනවා. 'සීරියල් කිසර්' නම මට ලැබුණා වගේම අවසානයේ මම එයට සිර වූවා."
එම හැඳින්වීම සමග තමන්ගේ චිත්‍රපට බොක්ස් ඔෆිස් වාර්තා තැබූ අතර සිප ගැනීමේ විෂය තුළ දස්කම් දැක්වීම නිසා ඔහු එයින් ප්‍රයෝජන ගත් බව එම්රාන් පවසා තිබේ.
ප්‍රේක්ෂකයින් තම නිරූපණයන්ගෙන් වෙහෙසට පත් විය හැකි බව දැනුණු විටදී ඔහු දැනුවත්වම එම චරිත නිරූපණයෙන් ඈත් වූ බව එම් රාන් පවසා තිබේ.
