රාජ් කුමාර් හිරානිගේ මීළඟ චිත්‍රපටය 'ඩන්කි' පූර්ව ප්‍රචාරක පටය එළිදක්වා තිබීමෙන් චිත්‍රපටය ගැන උණුසුම ඉහළ ගොස් තිබේ.
ෂාරුක් ඛාන් ප්‍රධාන චරිත රඟපාන 'ඩන්කි' බලාපොරොත්තුසහගත චිත්‍රපටයක් වන්නේ ෂාරුක් ඛාන්ගේ මේ වසරේ එළිදැක්වූ පතාන්, ජවාන් යන චිත්‍රපට දෙකම බොක්ස් ඔෆීස් මෙන්ම විවිධ වාර්තා ගණනාවක් සමග ආදායම් ඉපැයූ හෙයිනි.
ෂාරුක් සමග ප්‍රථම වරට යුගල හැටියට තාප්සී පන්නු චරිත රඟපාන අතර විකී කෞෂාල් සහ බර්මන් ඉරානිද රංගනයෙන් දායක වේ.
චිත්‍රපටයේ රසවත් ගීත කිහිපයක් මීට පෙර එළිදැක්වීමට චිත්‍රපටයේ නිෂ්පාදන සමාගම විසින් කටයුතු කරනු ලැබිණි.
