කොළඹ විශ්ව විද්‍යාලයේ ජ්‍යෙෂ්ඨ කථිකාචාර්ය ධම්ම දිසානායකයන් විසින් ලියා, එළිදක්වනු ලබන අලුත්ම කෘතිය "හිත් මං කඩ" එළඹෙන දෙසැම්බර් 20 වැනිදා සවස 2.30ට ජනගත කිරීමට කටයුතු යොදා ඇත.

"ලෝක ජනගහනය බිලියන අටකට, එනම් මිලියන අටදහසකටත් වඩා වැඩිය. ඒ අතුරින් පොත් ලියන්නෝ කියවන්නෝ සහ පරිශීලනය කරන්නෝ ඉතා අතලොස්සකි.

මාද ඔබද ඉන් කෙනෙකි..........
එහෙත් මා ලියූ පොතක් සමාජගත කිරීමේ ප්‍රීතිමත් මොහොතකට මා ඔබට අඬගසන ප්‍රථම වතාව මෙයය."

ධම්ම දිසානායකයන් සිය ආරාධනය තුළ කියා තිබේ.
කොළඹ විශ්වවිද්‍යාලයේ ශාස්ත්‍ර පීඨයේ 302 දේශන ශාලාවේදී 'සරසවි' ප්‍රකාශනයක් ලෙස 'හිත් මං කඩ' කෘතිය ප්‍රකාශයට පත් කෙරෙනු ඇත.

"එන්නම කියන්නත් බෑ මේ කාලේ වියදම් ගැන හිතනකොට. පුළුවන්කමක් තිබුනොත් එන්න." ධම්ම දිසානායකයන්ගේ ආරාධනය එබඳුය.