ජනමාධ්‍ය විශිෂ්ටතා සම්මාන 2023 පැවැත්වුණ ඊයේ දිනයේදී (12) දිගුකාලීන සහ කීර්තිමත් සේවය වෙනුවෙන් ජීවිත කාලයට වරක් ලබෙන දීර්ඝ කාලීන සේවා ඇගැයුම් සම්මානය අපේ කාලයේ ජ්‍යෙෂ්ඨ මාධ්‍යවේදිනී සීතා රංජනියට හිමි වුණාය.
ඇයත් සමග ජනමාධ්‍ය වෙනුවෙන් දිගුකාලීන කැපවීම් කළ තවත් ජ්‍යෙෂ්ඨ ජනමාධ්‍යවේදීන් හතරදෙනෙකුද මෙහිදී සම්මාන ලැබූ අතර සීතා රංජනී යනු සිය මාධ්‍ය භාවිතාව හුදෙක් මාධ්‍ය ප්‍රකාශනයකට පමණක් සීමා නොකළ මහපොළොවේ දුක් ගැහැට වෙනුවෙන් ප්‍රායෝගිකව පෙනී සිටි මාධ්‍යවේදිනියකි.
