ජනප්‍රිය කොරියානු නාට්‍යයක් වන Melting Me Softly වෙනුවෙන් නිර්මාණය කළ තේමා ගීතය ආදිත්‍යා වැලිවත්ත සහ ජයෝද් නවරත්න විසින් ගායනා කරනු ලැබ එළිදක්වා තිබේ.

'දම්පාට හැන්දෑවේ' නමින් එළිදැක්වූ ගීතය ඇතුළත් නාට්‍ය මාලාව මේ වන විට ජාතික රූපවාහිනියේ විකාශය ආරම්භ කර තිබේ.
සදීප්ත ගුණවර්ධන සංගීතවත් කළ ගීතය සිතුමිණි මැද්දේගොඩ විසින් පද රචනා කරනු ලැබ තිබේ.

තුහිරාවි

ගිය ගිම්හානේ හිත මත දැවටී
හීතල තුහිරෙන් මේ හිත මිදුණේ
සුවහස් කල් තිස්සේ නෑ පෙම් පිරුවේ
දෑසින් ඈ මා සිහිසුන් කෙරුවේ
ඔය දෑසින් මා සිහිසුන් කෙරුවේ

හීන තාරුකාඉම දිලුනේ
මායිම් වී ඔය ඇස් අස්සේ
පිණි වැස්සේ මල් තුහිරේ
හිත අරගත් මල් තුහිරාවියේ
දෑසින් ඈ මා සිහිසුන් කෙරුවේ
ඔය දෑසින් මා සිහිසුන් කෙරුවේ

සීත යාමයේ රෑ අඳුරේ
ඉකිබිඳිනා ළයෙහි ඔබ රැඳුණේ
ඇස් අස්සේ ඔබ මැවුණේ
මල් තුහිරේ මල් තුහිරාවියේ
දෑසින් ඈ මා සිහිසුන් කෙරුවේ
ඔය දෑසින් මා සිහිසුන් කෙරුවේ