ඕස්ට්‍රේලියාවේ අභිනවයෙන් ආරම්භ කළ 'සී ෆ්ලික්ස් ටීවී' (Cey Flix TV) විකාශයට සමගාමීව සීෆ්ලික්ස් 'වන් නයිට් ඔන්ලි' වැඩසටහන ජ්‍යෙෂ්ඨ මාධ්‍යවේදී කිංස්ලි රත්නායකගේ පූරකත්වයෙන් ආශා එදිරිසිංහ, සමන් ලෙනින්, රවීන් කණිෂ්ක, නිලක්ෂි හැලපිටිය යනාදී කලාකරුවන්ගේ සහභාගීත්වයෙන් පසුගියදා ඇඩිලේඩ් හිදී පැවැත්විණි.

මෙය ශ්‍රී ලංකාවේ ජනමාධ්‍යකරණයේ නව පිටුවක් ලෝක මට්ටමින් සනිටුහන් කරන බව වැඩසටහනේ මෙහෙයවන්නා වූ කිංස්ලි රත්නායක ආරම්භයේදී ප්‍රකාශ කළේය.
සී ෆ්ලික්ස් යනු ශ්‍රී ලාංකික චිත්‍රප්ට, නාට්‍ය සහ කලා වැඩසටහන් සඳහා සැකසුණ ජාලගත වෙබ් අඩවියක් වන අතර සී ෆ්ලික්ස් ටීවී ආරම්භ කෙරුණේ එහි දිගුවක් ලෙසයි.