සුමති සම්මාන 2024 ඊයේ (03) දිනය දක්වා වැඩිම එස් එම් එස් මනාප ගත් වැඩසටහන් සහ නළු නිළියන් එම සංවිධායකයින් විසින් පළ කරනු ලැබ තිබේ.

එස්එම්එස් මනාප පළ කිරීම ජනවාරි පළවෙනිදා සිට ආරම්භ කළ අතර සුමති සම්මාන සංවිධායකයින් විසින් අද මෙම මනාපවල තත්ත්වය පළ කර තිබේ.
ඒ අනුව මේ වන විට වැඩිම මනාප දිනා සිටින රූපවාහිනී වැඩසටහන වන්නේ හිරු ටීවීහි 'හිරු ස්ටාර්' වැඩසටහන වේ. 'දෙරණ ඩ්‍රීම් ස්ටාර්' සහ 'සිරස වොයිස් ශ්‍රී ලංකා' අනුපිළිවෙළින් ඉන් අනතුරුව වැඩිම මනාප දිනාගෙන ඇත.
ජනප්‍රියම ටෙලි නාට්‍ය ලෙස දෙරණ නාලිකාවේ 'සංගීතේ', ස්වර්ණවාහිනියේ 'සල්ලි පොකුරු' සහ දෙරණ 'දෙවෙනි ඉණිම' වැඩිම මනාප දිනාගෙන තිබේ.
ජනප්‍රියම නිළිය ලෙස දමිත්‍රි සබසිංහ, දුෂේනි මියුරංගි, ශලනි තාරකාද ජනප්‍රියම නළුවා ලෙස කුසල් මධුරංග, සාරංග දිසාසේකර, ඉෂාර මදුශාන් ජනප්‍රියම නළුවා හැටියට මනාප ලබාගෙන තිබේ.