මැණික් සන්ද්‍රසාගර අධ්‍යක්ෂණය කළ, ප්‍රේම්නාත් මොරායස් තිර රචනා කළ, ටිරෝන් ප්‍රනාන්දු නිෂ්පාදනය කළ 1976දී තිරගත කළ 'කොළඹ සන්නිය' චිත්‍රපටය ජනවාරි 20 වැනිදා කොළඹ අපේක්ෂා රෝහලේදී සවස 02ට තිරගත වේ.
ජෝ අබේවික්‍රම, ගීතා කුමාරසිංහ, දෙනවක හාමිනේ, ෆ්‍රෙඩී සිල්වා, දොන් සිරිසේන, එඩී ජයමාන්න රංගනයෙන් දායක වන ශ්‍රී ලාංකික සිනමා ඉතිහාසයේ අමතක නොවන ප්‍රහසන වන චිත්‍රපටියක් වන මෙහි සුනිල් ශාන්ත, ක්ලැරන්ස් විජේවර්ධන විසින් සංගීත නිර්මාණය කරනු ලැබ තිබේ.
අපේක්ෂා රෝහල් කාර්ය මණ්ඩලය විසින් සංවිධානය කරනු ලැබ ඇති මෙම සැඳෑවේ චිත්‍රපටය පිළිබඳව ආරාධිත දේශනය සරසවිය පුවත්පතේ හිටපු සංස්කාරක, සිනමා විචාරක අරුණ ගුණරත්නගෙනි.
