මයිකල් ජැක්සන් ලොව පහළ වූ අග්‍රගණ්‍ය ගායකයාගේ චරිත කතාව ජීවමාන කිරීමට මේ වන විට කටයුතු යෙදී ඇත. ඒ ඔහුගේ චරිත කතාව රැගත් 'මයිකල්' (Michael) සිනමා කෘතිය නිකුත් කිරීමෙනි.

මේ වසරේ රූගත කිරීම් සහ නිෂ්පාදන කටයුතු සිදු කිරීමට කටයුතු යොදා ඇති සිනමා කෘතියේ ජැක්සන්ගේ චරිතය රඟපෑම සඳහා මේ වන විට තෝරාගෙන ඇත්තේ ඔහුගේ ඥාති පුතණුවන් වන ජාෆර් ජැක්සන් වේ.
ජාෆර් යනු ජැක්සන්ගේ සොහොයුරා වන ජෙරමයින් ජැක්සන්ගේ පුත්‍රයා වන අතර ඔහුද මේ වන විට සිය මයිකල් ජැක්සන් මෙන්ම ගායනා, රඟපෑම් සහ නර්තන කටයුතුවල නියැලෙමින් පවතී.
ඒ අනුව ටිටෝ ජැක්සන් සහ ජැනට් ජැක්සන් යනුද ජාෆර්ගේ ඥාතිහු වෙති.
'මයිකල්' චිත්‍රපටය ඇන්ටෝනියෝ ෆුකුවා විසින් අධ්‍යක්ෂණය කරනු ලබන අතර ජෝන් ලෝගන් විසින් තිර රචනය කරයි.