මෙවර ජාත්‍යන්තර රූප සුන්දරිය තේරීමේ ජනප්‍රිය තරඟයක් වන Miss Global 2024දී ශ්‍රී ලාංකික සම්භවයක් සහිත සැමෝවා ජාතික තරුණියක් වන හෙයිලානි පර්ල් කුරුප්පු ජයග්‍රහණය හිමි කරගත්තාය.

කුසලතාවන් සපිරීම ඇතුළුව තවත් අංශ ගණනාවක දෙවැනි ස්ථාන දිනා ගත්තේද පර්ල් වන අතර ඇය මේ වන විට 25 හැවිරිදි වියේ පසුවන්නියකි.
හයිලානි පර්ල් කුරුප්පුගේ මව සැමෝවා ජාතික කාන්තාවක් වන අතර ඇගේ පියා හරහා ශ්‍රී ලාංකික සම්භවයක් සහිත අයෙකු වේ.
මෙවර කාම්බෝජයේ පැවැත්වුණ තරඟාවලියට සැමෝවා නියෝජනය කළේ පළමු වරට වන අතර එහිදී කළ කතාවකදී කාන්තාවන් සවිබල ගැන්වීම ගැන තමන් බෙහෙවින් උනන්දු බවද හෙයිලානි පවසා තිබිණි.
තනිකඩ මව්වරුන්ට සහභාගි විය හැකි ලොව එකම ජාත්‍යන්තර රූප සුන්දරිය තේරීමේ තරඟාවලිය වන්නේද Miss Global වේ.