තුමිඳු දොඩන්තැන්න ලන්ඩනයේ නාට්‍ය හා රංගකලාව පුහුණු පන්ති පැවැත්වීම ආරම්භ කර තිබේ.
කැලණිය විශ්ව විද්‍යාලයේ නාට්‍ය හා රංගකලාව පිළිබඳව උපාධිය සපුරා ශ්‍රී ලාංකේය වේදිකා නාට්‍යවල ආධිපත්‍ය පැතිරවූ නළුවකු වන තුමිඳු මේ වන විට සිය පවුලත් සමග එක්සත් රාජධානියේ වාසය කරයි.
සහෝදරයා, කූඹියෝ, වෛෂ්ණාවී, නිදහසේ පියා ඩී.එස්. ඊඩිපස් යනාදී ටෙලි, සිනමා සහ වේදිකා නාට්‍ය ගණනාවක රඟපෑ චරිතාංග නළුවකු වන ඔහු පසුගිය ජනවාරි 20 වැනිදා සිට ලන්ඩනයේ වෙම්බ්ලිහි සිල්වෙස්ටර් පාරේ පිහිටි ස්ථානයේ සිය පන්ති ආරම්භ කර ඇත.
ලන්ඩනයේ සිටින නාට්‍ය පුහුණුවට ලැදි අයට තුමිඳුගේ පන්ති සඳහා සහභාගි විය හැකිය.
