චමිල් ජයනෙත්ති විසින් රචිත 'කාලය අවකාශය තුළ මාක්ස්වාදය' කෘතිය සහ ඔහු විසින් පරිවර්තිත 'කාල් මාක්ස් ආචාර්ය නිබන්ධනය' නමැති කෘති ද්විත්වය පෙබරවාරි 22 වැනිදා සවස 02ට කොළඹ ආනන්ද කුමාරස්වාමි මාවතේ පිහිටි මහවැලි කේන්ද්‍රයේදී ජනගත කිරීමට නියමිතය.
මහාචාර්ය ජයන්ත සෙනෙවිරත්න විසින් එදින මුඛ්‍ය දේශනය පවත්වනු ලබන අතර අශෝක ඩයස්, ධර්මසිරි ලංකාපේලි, මහාචාර්ය ටියුඩර් වීරසිංහ, මහාචාර්ය කණිෂ්ක ගුණවර්ධන සහ කතුවර චමිල් ජයනෙත්ති අදහස් දැක්වීමට නියමිතය.
මෙම අදහස් දැක්වීම්වලින් ඉක්බිති සභාවේ සිටින පාඨක ප්‍රජාවටද අදහස් දැක්වීමට හෝරාවකට ආසන්න කාලයක් වෙන් කර තිබේ.
