29 වැනි සුමති සම්මාන 2024 ශ්‍රී ලාංකේය රූපවාහිනී කලාවේ දක්ෂයින් සහ ජනප්‍රිය ශිල්පීන් වෙනුවෙන් සම්මාන ප්‍රදානය කරන ජනප්‍රියම වේදිකාවේ ඊයේ (20) දිනයේ 2023 හොඳම නිළිය ලෙස සේමිණි ඉද්දමල්ගොඩ සහ හොඳම නළුවා ලෙස ජගත් මනුවර්ණ සම්මාන දිනාගත්හ.

ජගත් මනුවර්ණ 'කොඩි ගහ යට' ටෙලිනාට්‍යය සහ සේමිණි ඉද්දමල්ගොඩ 'එයා දැන් බැඳලා' නාට්‍යයේ කළ ප්‍රශස්ත රඟපෑම් වෙනුවෙන් මෙම සම්මාන හිමිකරගත්හ.
ශ්‍රී ලාංකේ රූපවාහිනියේ කීර්තිමත්ම අවස්ථා අතරින් එකක් ලෙස සලකන සුමති ටෙලි සම්මාන සජීවී විකාශනය ඊයේ www.sumathiawards.lk සහ Facebook සහ ‍Youtube නාලිකා ඔස්සේ සජීවීව විකාශනය කෙරිණි.
'එයා දැන් බැඳලා' ටෙලිනාට්‍යය සුමති ටෙලි සම්මාන උලෙළ වෙනුවෙන් නිර්දේශ වීමම ජයග්‍රහණයක් බව සේමිණි ඉද්දමල්ගොඩ සිය රඟපෑම් වෙනුවෙන් නම් නිර්දේශ වූ වකවානුවේදීම මීට පෙර ප්‍රකාශ කළාය.