ප්‍රවීන සිනමාකරු සත්‍යජිත් මාඉටිපේ විසින් රචනා කොට අධ්‍යක්ෂණය කළ ටෙලි සිනමා නිර්මාණයක් වන ස්වර්ණ සමාප්ති චිත්‍රපටය සහ සිනමා පාපොච්චාරණ සම්මන්ත්‍රණය එළැඹෙන ඔක්තෝබර් 10 වැනිදා පස්වරු 3 ට ජාතික චිත්‍රපට සංස්ථා සිනමා ශාලාවේදී පැවැත්වීමට නියමිතව තිබේ.
මෙම නිර්මාණය 2000 වසරේ සුමති ටෙලි සම්මාන උළලේ හොඳම ටෙලි චිත්‍රපටයට සහ එම වසරේදීම චිත්‍රපට විචාරක සම්මාන සඳහා විශේෂ ජුරි සම්මානයකට හිමිකම් කියනු ලැබිය.
අයිරාංගනී සේරසිංහ, පීටර් ඩි. අල්මේදා, චාන්දනී සෙනවිරත්න, කෞශල්‍යා ප්‍රනාන්දු, සිතා කුමාරි, ගිරිරාජ් කෞශල්‍ය, චමිලා පිරිස්, නාමල් ජයසිංහ, සාරංග දිසාසේකර, ගාමිණී විජේතුංග, විශ්වජිත් ගුණසේකර ඇතුළු ශිල්පින් රැසක් මෙහි රංගන දායකත්වය සපයති.
