Mission: Impossible චිත්‍රපටයේ සුප්‍රකට හොලිවුඩ් නළු ටොම් කෲස් ව ඔබ දන්නවානේ.

ඉතින් සිනමාවේ වීරයෙක් විදිහට අපට හමුවන මේ සුප්‍රකට චරිතයේ පෞද්ගලික ජීවිතයේ රස මුසු තැන් දැනගන්නත් බොහෝ දෙනෙකුට තියෙන්නේ කුතුහලයක්.

ඔන්න, පසුගියදා ලන්ඩනයේ වෙම්බ්ලි ක්‍රීඩාංගනයේ පැවති 'Oasis' සංගීත කණ්ඩායමේ ප්‍රසංගයක් නැරඹීම සදහා ටොම් කෲස් හොලිවුඩයේ තවත් ජනප්‍රිය නිළියක් වන Ana De Armas සමග ගමන් කරන ඡායාරූප කිහිපයක් නිකුත් වෙලා තියෙනවා.

මේ ඡායාරූප වල ඔවුන් දෙපළ පෙම්වතුන් විදිහට ගමන් කරන ආකාරය දැක ගන්න පුලුවන්.

මීට පෙරද ඔවුන් දෙදෙනා එකට කාලය ගත කරන අවස්ථා දැකගත හැකි වුවද ඒ ඔවුන් රංගනයේ යෙදෙන චිත්‍රපටයක් සඳහා බවයි වාර්තා වූයේ. නමුත් මේ වනවිට එය පෙම් හමුවක් බවයි බොහෝ විදෙස් පුවත් හා කටකතා වල හුවමාරු වෙන්නේ.

Ana De Armas මේ වන විට 37 වන වියේ පසුවන අතර ටොම් කෲස් ට මේ වෙන කොට වයස අවුරුදු 63 ක්.