ප්රවීණ රංගන ශිල්පී කමල් අද්දරආරච්චි රෝගීව ඉන්න බව පෙන්නුම් කෙරෙන වීඩියෝවක් පසුගිය දවස් වල සමාජ මාධ්යයේ සංසරණය උනා ඇතැම් විට ඔබත් දකින්න ඇති.
රෝගීව රෝහල් ඇදක ඔහු වැතිර සිට්න බව දැක්වුන මේ වීඩියෝව නිසා ඔහුට ආදරය කරන බොහෝ රසිකයන් කලබලයට වගේම දුකට පත් වෙලා තිබුනේ ඔහු ඇත්තටම රෝගී තත්වයකින් පසු වෙනවා කියලා සිතා ගෙන.
කොහොම උනත් පස්සේ ආරංචි උනේ ඔහු සුවෙන් සිටින බවත් මේ වීඩියෝව ඔහු පෙනී සිටින අලුත්ම ගීතයක රූප රචනාව වෙනුවෙන් සිදු කළ වේෂ නිරූපණයක් අතරතුර ලබාගත් එකක් බවයි.
මේ ගීතයේ රූප රචනාව රූගත කිරීම් අතර තුර එම ස්ථානයේ සිටි අයෙක් අනවසරයෙන් මෙහි කොටසක් රූපගත කරලා වැරදි අදහසක් යන ආකාරයට පළ කළ නිසයි මේ තත්වය නිර්මාණය වෙලා තිබුණේ.
පසුව කමල් අද්දරආරච්චි සමාජ මාධ්ය වීඩියෝවක් හරහා මේ ගැන පැහැදිලි කරමින් සහ තමන් සුවෙන් සිටින බව දන්වමින් ආදරණීය රසිකයන්ට දනුවත් කිරීමකුත් සිදු කළා.
ඉතින් එදා ඒ විදිහට රූ ගත කරපු මේ ගීතය හෙට (29) දිනයේදී නිකුත් කරන්න නියමිතයි.
ඕෂද හේමන්ත ගායනා කරන මේ ගීතය “හිරු කිරණ තාත්තා” කියලා තමයි නම් කරලා තියෙන්නේ. ඒ වගේම මේ වීඩියෝවේ කමල් අද්දරආරච්චිගේ වේෂ නිරූපණ ශිල්පියා විදිහට කටයුතු කළේ සම්මානනීය වේෂ නිරූපණ ශිල්පී විදුර අබේධීර.
මේ ගැන නිවේදනය කරමින් කමල් අද්දරආරච්චි සිය සමාජ මාධ්ය ගිණුම හරහා සටහනක් ද එක් කරලා තිබුණා. ඒ එක්කම බොහෝ දෙනා අතර කතා බහට ලක් උන ගීතයේ රූප රචනයේ ඔහු පෙනී සිටින ඡායාරූප කිහිපයකුත් එක් කරලා තිබුණා.
පහතින් දැක්වෙන්නේ ඔහු පළ කල එම සටහන සහ ඡායාරූප කිහිපයයි.
(උපුටා ගැනීම)
පිය සෙනෙහසට පිදෙන "හිරුකිරණ තාත්තා" නම් වූ ගායක ඕෂද හේමන්ත ගායනා කළ ගීතයේ රූප රචනයේ දර්ශන රූගත කළ අවස්ථාවේ එතැන සිටි යමෙකු විසින් එහි ඇති දර්ශනයකට මා පෙනී සිටි අවස්ථාවේ ඉන් කොටසක් සිය ජංගම දුරකථනයෙන් රූගත කර පසුව මටද නොදන්වා අනවසරයෙන් එම රූපරාමු "කමල් අද්දරආරච්චි" යන සිරස්තලයෙන් යුතුව එය අන්තර්ජාලයට මුදා හැර හෙතෙම සියුම් නරුම වින්දනයක් ලබමින් ලක්ෂ සංඛ්යාත අන්තර්ජාලයේ සැරිසරන පිරිසක් නොමඟ යවමින් මා ඇතුළු මාගේ රසිකයින් හා හිතෛෂීන් දැඩි අපහසුතාවකට පත් කළ පුවතක් මැවීමට සමත්වුණා.
එම රූපරචනාවට උචිත අයුරින් මා වෙස්ගැන්වු සම්මානනීය වේශ නිරූපන ශිල්පී විදුර අබේධීර සොයුරා මට කදිම වෙස්ගැන්වීමක් කළා.
ඕශද හේමන්තගේ මෙම ගීතය ලබන සිකුරාදා එනම් 29 වැනිදා (හෙට) සවස එළිදැක්වීමට සූදානම් බවත් මට පැවසුවා.
මේ ඔබ දකින්නේ එම ගීතය සඳහා විදුර සොයුරා මා වෙස්ගැන්වූ ආකාරයයි.
( මෙම සටහන සහ ඡායාරූප උපුටා ගැනීම "kamal Addara Arachchi" නිල ෆේස්බුක් පිටුව ඇසුරිනි.
