ප්‍රවීණ රංගන ශිල්පී සනත් ගුණතිලක සහ ජානකී විජේරත්න යුග දිවියට පිවිස තිබෙනවා.

මෙලෙස, සනත් ගුණතිලක සමග ව්වාහ දිවියට එක්වූ ජානකී විජේරත්න වූ කලී කලක් මෙරට ජනප්‍රිය රංගන ශිල්පිනියක් ද වූ අතර වර්තමානයේ චිත්‍රපට නිෂ්පාදකවරියක් ලෙස සිනමාව සමග සම්බන්ධව කටයුතු කරනවා.

පසුගිය කාලය පුරාම මේ දෙපළ ප්‍රසිද්ධ අවස්ථා කිහිපයකටම එක්ව සහභාගී වූ අතර ඔවුන් පෙම්වතුන් බවයි බොහෝ දෙනා පැවැසුවේ.

ඉතින්, විවාහය ගැන නිළ වශයෙන් සදහන් කරමින් ඔවුන් දෙපළ සදහන් කොට තිබුණේ මීට මාස 6 කට පමණ පෙර විවාහ වූ බවත් මංගල උත්වයක් පවත්වමින් ඒ ගැන ප්‍රසිද්ධ කිරීමට ඔවුන් බලපොරොත්තු නොවූ බවයි.

එමෙන්ම මේ ආදර සම්බන්ධය ගොඩනැගුණු අකාරය ගැනත් මේ දෙපළ සදහන් කර තිබූ අතර, මෙම වසරේ තිර ගත වූ 'රණී' චිත්‍රපටය මහජන ප්‍රදර්ශනය සඳහා කටයුතු කිරීමේදී එහි ප්‍රවර්ධන කටයුතු වලදී ඔවුන් දෙපළට එක්ව කටයුතු කරන්නට ලැබුණු බවත් එහිදී දෙදෙනාගේම අදහස් වල බොහෝ ගැළපීම් ඇති බව දැනගත් බවයි.

ඉතින් ,මේ සම්බන්ධය ඉක්මනින්ම විවාහයක් කරා ගොස් තිබුණේ  එසේ නොවුවා නම් ජානකීගේ පර්ශවයට මේ සම්බන්ධය නිසා යම් අගතියක් සිදු විය හැකි වූ බැවිනි යැයි සනත් ගුණතිලක සදහන් කොට තිබුණා.

ඒ අනුව දෙදෙනාගේම කැමැත්ත මත මේ සම්බන්ධය විවාහයක් කරා ගොස් තිබුණා.

ඉතින්, ජීවිතයේ අලුත් පරිච්චේදයකට එක්වූ මේ දෙපළටම 'mirror arts' අපගේ උණුසුම් සුබ පැතුම් එක් කරන්නට ද මෙය අවස්ථාවක් කොට ගන්නවා.

පහහින් දැක්වෙන්නේ අචාර්ය මහේෂ් හපුගොඩ විසින් සනත් - ජානකී යුවළට සුබ පතමින් එක් කොට තිබූ සටහනක්.

එය වඩාත් අපූර්ව සටහනක් බව අපට හැඟුණ නිසා එය මෙසේ උපුටා දක්වනවා.

(උපුටා ගැනීම)