ජීවන් සිනමා අධ්‍යක්ෂණයට

ප්‍රවීන රංගන ශිල්පී ජීවන් කුමාරණතුංග සිනමා අධ්‍යක්ෂණයට පිවිසෙන බව මිරර් ආර්ට්ස් වෙත වාර්තා වෙනවා.

ඒ අනුව ඔහුගේ කුළුඳුල් සිනමා අධ්‍යක්ෂණය නම් කර ඇත්තේ “ජීවා” නමින්. ඔහු මෙම චිත්‍රපටය සඳහා අධ්‍යක්ෂණයෙන් මෙන්ම රංගනයෙන් ද දායක වීමට නියමිත යි.

එමෙන්ම මෙහි ප්‍රධාන නිළි චරිතයට ජනප්‍රිය නිළි සංගීතා වීරරත්න පණ පොවනු ඇත.

වසර දෙකක පමණ නිහැඬියාවකින් පසුව ‘ජීවා’ චිත්‍රපටයෙන් නැවත රංගන කටයුතු ආරම්භ කිරීමට සුදානම් වන ජීවන්, චිත්‍රපටයේ සටන් ජවනිකා වෙනුවෙන් දැනටමත් පුහුණුවීම් ආරම්භ කර තිබෙන බවටයි වැඩිදුරටත් වාර්තා වෙන්නේ.

ජීවන්ගේ කුළුඳුල් සිනමා නිර්මාණයේ ඉදිරි වැඩකටයුතු සාර්ථක වේවායි මිරර් ආට්ස් අපෙන් සුබ පැතුම්!