දෙරණ ඩ්‍රීම් ස්ටාර් මෑතකදී අවසන් වූ අදියරේ අවසන් තිදෙනා අතරට එක් වී කෙටි කලකින් සිය ගායන හැකියාව වෙනුවෙන් විශාල රසික ප්‍රජාවක් ඇති කරගත් ගායිකා අපූර්වා ආශාවරී සහ ජනප්‍රිය නළු සංජය මුරමුදලි යුග දිවියට පිවිසුණ බව පෙන්වන ඡායාරූප කිහිපයක් සමාජ මාධ්‍යවල පළ වී තිබේ.
අපූර්වා සහ සංජය ආදරයෙන් බැඳුණු බව මෑතකදී ඔවුන් දෙදෙනා විසින් හෙළි කරනු ලැබුවද ඔවුන් විවාහ වීමට කාලයක් ගත වන බව දෙදෙනා විසින්ම සිය ප්‍රේමය හෙළි කළ දිනවලම පවසනු ලැබූ කාරණයකි. කෙසේනමුත්, මේ දෙදෙනාගේ මංගල ඡායාරූප පළ වී තිබෙන්නේ එවැනි තත්ත්වයකදීය.
ඊයේ (30) දිනයේදී ජනප්‍රිය මංගල ඡායාරූප ශිල්පියෙකු වන ලක්මාල් සිංහාරගේගේ ෆේස්බුක් පිටුවේ මෙම ඡායාරූප පළ කර ඇති අතර ලක්මාල් ඡායාරූපගත කිරීම් සඳහා ජනප්‍රිය ශිල්පියෙකි.
නමුත්, ඔවුන්ට සුබ පතා ඔහු පළ කළ ඡායාරූප පිළිබඳව සඳහනක් හෝ තමන් දෙදෙනා විවාහ වූ බව අපූර්වා හෝ සංජය විසින් තවමත් හෙළි කරනු ලැබ නොමැත.
