සැමුවෙල් කියන්නේ බෝනික්කන් සැදීම සිය ජීවිකාව කරගත් පුද්ගලයෙක්. සිය කුඩා දියණිය මිය ගොස් වසර ගණනාවකට පසු ඔහු සහ ඔහුගේ බිරිඳ පුජකවරියක් ඇතුළු අනාථ දරුවන් පිරිසකට තම නිවහනෙහි නවාතැන් ගැනීමට ඉඩ ලබා දෙනවා. සැමුවෙල් අතින් නිමවුණු ඇනබෙල් නම් බෝනික්කා ශාපලත් බෝනික්කෙක් කියා කිසි කෙනෙක් දැන සිටියේ නැහැ. කිසි කෙනෙක් නොසිතු ලෙස මේ වියරු බෝනික්කාගේ ඉලක්කය බවට අනාථ දැරියන් පත්වෙවිද ?

මේ තමයි වසර ගණනක සිට ඔබ හොඳින් හඳුනන සංත්‍රාසය සපිරි ඇනබෙල් නම් සිනමාපට එකතුවේ නවතම සිනමාපටය.

මෙය හඳුන්වා දී ඇත්තේ ඇනබෙල් ක්‍රියේෂන් නමින්.

පැයකුත් විනාඩි 49 ක කාලයක් පුරා ධාවනය වන සිනමාපටය පසුගිය 11 වැනිදා ලොව පුරා තිරගත වීම ආරම්භ කළා.

ඇනබෙල් හි රංගනයෙන් ස්ටෙෆනි සිග්මන්, මිරැන්ඩා ඔට්ටෝ, ලුලු විල්සන්, ඇන්ටෝනි ලපග්ලියා , ටලිතා බෙට්මන්, කෙරී ඕමලේ, ඇලිසියා බේලි ඇතුළු රංගන ශිල්පින් ශිල්පිනියන් රැසක් එක් වනවා.

සිනමාපටය අධ්‍යක්ෂණය ඩේවිඩ් සෑන්ඩ් බර්ග්  විසින්.