ප්‍රවීන රංගන ශිල්පිනියන් අභිබවා යමින් චීන ගෝල්ඩන් හෝර්ස් සිනමා සම්මාන උළලේ හොඳම සහය රංගන ශිල්පිනියට හිමි සම්මානය දිනා ගැනීමට 14 වියැති විකී චෙන් සමත්ව තිබේ.

ඇය මේ සම්මානය හිමිකරගත්තේ “ද බෝල්ඩ්,ද කරප්ට් ඇන්ඩ් ද බියුටිෆුල්” සිනමාපටය වෙනුවෙනි.

එසේම ඇය හොඳම නිළිය සම්මානය සඳහා නිර්දේශ වී තිබීම ද විශේෂත්වයකි.

වාර්ෂිකව පැවැත්වෙන “ගෝල්ඩන් හෝර්ස්” උළෙල මෙවර පැවැත්වුනේ 54 වැනි වතාවටය. තායිවානයේ පැවති මෙම උළෙල චීන චිත්‍රපට වෙනුවෙන් විවෘත වුවකි.