ලොව අතිශය ජනප්‍රියත්වයට පත් “ගේම් ඔෆ් ත්‍රෝන්ස්” ටෙලි මාලාවේ චරිත ඇසුරින් මුද්දර පෙළක් නිකුත් කිරීමට බ්‍රිතාන්‍ය මුද්දර කාර්යාංශය කටයුතු කර තිබේ.

ටෙලි මාලාවේ ජනප්‍රිය චරිත 10 ආශ්‍රය කරගනිමින් නිමවුණු මෙම මුද්දර ජනවාරි 23 වැනිදා මහජනතාව වෙත නිකුත් කිරීමට සුදානම් බවයි බ්‍රිතාන්‍ය මාධ්‍ය වාර්තා කර සිටින්නේ.

ගේම් ඔෆ් ත්‍රෝන්ස් හි අවසන් කොටස නැතිනම් 8 වැන්න නිෂ්පාදනය වෙමින් පවතින අවස්ථාවක මෙම මුද්දර නිකුත් කිරීමට කටයුතු සුදානම් කර තිබේ.

මෙම කතාමාලාවට එක්සත් රාජධානියෙන් ලැබෙන දායකත්වය පිළිඹිබු කිරීම පිණිස මෙම කටයුත්ත සිදු කර ඇති බවට එරට මාධ්‍ය වාර්තා කර සිටියි.