නැසීගිය ජේෂ්ඨ රංගන ශිල්පී විජය නන්දසිරි අවසන් වරට රංගන දායකත්වය සැපයු “එල ඩබල” සිනමාපටයේ වැඩ කටයුතු මේ වනවිට අවසන් කර ඇති බවට වාර්තා වේ.
ජගත් ඇපලදෙනියගේ කුළුඳුල් සිනමා නිර්මාණය වන මෙය එක සමාන රුවින් යුත් පුද්ගලයන් දෙදෙනෙක් වටා ගෙතුණු හාස්‍ය රසයෙන් යුත් චිත්‍රපටයකි.
රොනී ලීච්, මානෙල් වානගුරු, වසන්ති රංවල, ශිරෝමිකා ප්‍රනාන්දු, රුවංගි රත්නායක, සුරේනි සෙනරත්, නුවංගි ලියනගේ, ධනංජනා ජයසුන්දර, චංචලා වර්ණසූරිය, නිල්වලා විශ්වමාලි, අචල වල්පොළ, ජගත් ඇපළදෙනිය, තුෂානි ද සිල්වා, අතුල ජයතිස්ස ඇතුළු පිරිසක් “එල ඩබල” සඳහා රංගන දායකත්වය සපයා තිබේ.
කැමරා අධ්‍යක්ෂණය ඩොනල්ඩ් කරුණාරත්න සහ සජිත විරප්පෙරුම, කලා අධ්‍යක්ෂණය චන්ද්‍රජිත් දේවාදිත්‍ය, සහය අධ්‍යක්ෂණය හේෂාන් මියුරංග, නිෂ්පාදන කළමනාකරණය චමින්ද රොද්‍රිගෝ, අංග රචනය වසන්ත පූර්ණවංශ සහ ගයාන් මාපලගම, කතා සංකල්පය රුවන් රත්නායක, සංගීතය චමින්ද සෙනරත් දසනායක සහ සාගර විජේරත්න, පසුබිම් ගායනය දීපාල් සිල්වා විසින් සිදු කර ඇත.
