ප්‍රකට ප්‍රංශ රංගන ශිල්පී ජෙරාඩ් දෙපාර්දෝ වෙත ස්ත්‍රී දුෂණ සහ ලිංගික අපයෝජන චෝදනා එල්ල වී තිබේ.

ඔහුට එම චෝදනාව එල්ල කර ඇත්තේ 22 හැවිරිදි යොවුන් රංගන ශිල්පිනියක විසින් බව BBC පුවත් සේවය වාර්තා කරයි.

කෙසේ වෙතත් ජෙරාඩ් එම චෝදනා “ස්ථිර” වශයෙන්ම ප්‍රතික්ෂේප කරන්නේ යැයි ඔහුගේ නීතිඥවරු ප්‍රකාශ කර ඇත.

Cyrano de Bergerac, Jean de Florette වැනි සිනමාපට සඳහා රංගන දායකත්වය සැපයු 66 හැවිරිදි ජෙරාඩ් දෙපාර්දෝ ප්‍රංශයේ වඩාත් ප්‍රකට රංගන ශිල්පියෙක් ලෙස හැඳින්වේ.

1990 කාන්ස් සිනමා උළලේදී Cyrano චිත්‍රපටය සඳහා හොඳම නළුවාට හිමි සම්මානය දිනා ගැනීමට ද ඔහු සමත්විය. එසේම ඔහු ඔස්කාර් සම්මානය උදෙසා ද නිර්දේශ විය.