M Entertainments මඟින් නිෂ්පාදනය කරන ලද ‘ධර්ම යුද්ධය' ලඟදීම තිරගතවීමට නියමිතය.
ප්‍රකට ඉන්දීය චිත්‍රපට අධ්‍යක්ෂවරයකු වන චෙයියාර් රවි මෙහි අධ්‍යක්ෂවරයා වන අතර "ධර්ම යුද්ධය' තිරනාටකය ප්‍රකට යොවුන් නළු ප්‍රගීත් රත්නායක විසින් රචනා කොට ඇත.
මෙම චිත්‍රපටයේ අන්තර්ගත එකම ගීතය රචනා කර ඇත්තේ මහාචාර්ය සුනිල් ආරියරත්නයන්ය. සංගීත අධ්‍යක්ෂණය සචින් පීරිස්ගෙනි.
'හරිස්චන්ද්‍ර' නම් වූ ප්‍රධාන භූමිකාවට පණ පොවනුයේ සම්මානනීය රංගන ශිල්පියකු වන ජැක්සන් ඇන්තනි වන අතර ප්‍රධාන නිළි චරිතය ප්‍රකට නිළි දිල්හානි ඒකනායක විසින් සිදුකරයි.
තිසුරි යුවනිකා, විනුම් වත්සදි, කුමාර තිරිමාදුර, කුසුම් රේණු, ඩග්ලස් රණසිංහ, ආනන්ද අතුකෝරල, ආරියසේන ගමගේ, අවන්ති අපොන්සු, වසන්ත කුමාරසිරි, නිරුක්ෂාන් ඒකනායක, තරංග බණ්ඩාර ඇතුළු නළු නිළි පිරිසක් 'ධර්ම යුද්ධය' සඳහා දායක වෙති.
