ඉන්දියාවේ සුපිරිම විවාහ උත්සවයට පෑයූ තරු මෙන්න

ජනප්‍රිය ඇමරිකානු ගායන ශිල්පිනි බියොන්සේ, ඉන්දියාවේ ධනවත්ම පුද්ගලයාගේ දියණිය ඉෂා අම්බානි සහ ආනන්ද පිරමාල්ගේ විවාහ මංගල උත්සවයට සහභාගී වී ඇති බවට වාර්තා වේ.

හින්දු විවාහ සම්ප්‍රදායේ එන පූර්ව විවාහ චාරිත්‍රයක් වන ගායනයෙන් නර්තනයෙන් පිරි “සංගීත්” පසුගිය සති අන්තයේ දී පැවැත්වුණු අතර බියොන්සේ මෙන්ම බොලිවුඩ් තරු රාශියක් ද එහිදී ඉදිරිපත් කිරීම් කළහ.

ශාරුක් ඛාන් සහ ඔහුගේ බිරිඳ ගෞරි ඛාන්, අයිශ්වර්යා රායි සහ අභිෂේක් බච්චන්ගේ නර්තන අංග ඉන්දීය මාධ්‍යවල වැඩි අවධානයක් දිනාගෙන තිබුණි.

ඉෂා සහ ආනන්ද්ගේ විවාහ මංගල්‍යය 12 බදාදා මුම්බායි නුවර දී උත්කර්ෂවත් අයුරින් පැවැත්වීමට නියමිත ය.