රන්විර්ගේ “සිම්බා” ශාරුක්ගේ “සීරෝ” ට තැන නැති කරයි ද?
රෝහිත් ශෙට්ටිගේ නවතම සිනමා නිර්මාණය “සිම්බා” අද(28) සිට ඉන්දියාව පුරා ප්‍රදර්ශනය ආරම්භ කළා.
ජනප්‍රිය රංගන ශිල්පී රන්විර් සිං සමඟින් සාරා අලි ඛාන් ප්‍රධාන චරිතවලට පණ පොවන මෙම සිනමාපටය බොක්ස් ඔෆිස් වාර්තාවලට හිමිකම් කියනු ඇතැයි විචාරකයින් පෙර සිටම මත පළ කර තිබුණා. විශේෂයෙන්ම රන්විර්ගේ රඟපෑම මෙම චිත්‍රපටය ඉහළට ඔසවා තබනු ඇති බවට එහිදී මත පළ වුණා.
ඉන්දීය මාධ්‍ය වාර්තා කර සිටින්නේ නවතම බොක්ස් ඔෆිස් වාර්තා අනුව එම මතය යම්තාක් දුරට සත්‍යක් වී ඇති බවයි. එම වාර්තා අනුව පළමු දිනයේ ඉහළම ආදායම් වාර්තා තැබූ 2018 වසරේ චිත්‍රපට අතුරින් 9 වැනි ස්ථානය අත්කරගැනීමට “සිම්බා” සමත් වී තිබෙනවා.
එසේම පසුගිය සතියේ දී එළිදැක්වූ ශාරුක් ඛාන්ගේ “සීරෝ” සිනමාපටයට “සිම්බා” අභියෝගයක් වනු ඇති බව ද මේ වනවිට විචාරකයින් අදහස් පළ කර තිබෙනවා.
