දැකල පුරුදු කෙනෙක් රිදී තිරයට එන දිනය මෙන්න
මලිත් හෑගොඩ කුළුඳුල් සිනමා නිර්මාණය “දැකල පුරුදු කෙනෙක්” මාර්තු 8 වැනිදා සිට මහජන ප්‍රදර්ශනයට එක් වීමට නියමිත බවට වාර්තා වේ.
ලන්ඩන් චිත්‍රපට උළෙල, මොන්ට්‍රියල් චිත්‍රපට උළෙල, ජෝග්ජා චිත්‍රපට උළෙල වැනි ජාත්‍යන්තර සිනමා උළෙල කිහිපයක්ම නියෝජනය කර ඇගයුම් ලැබූ මෙම සිනමා කෘතිය 2015 යාපනය අන්තර්ජාතික සිනමා උළලේ හොඳම චිත්‍රපටයට හිමි සම්මානය, 2018 සරසවි සම්මාන උළලේ ලෙස්ටර් ජේම්ස් පිරිස් සම්මානය, 2016 දෙරණ සිනමා උළලේ මතු බලාපොරොත්තු තැබිය හැකි අධ්‍යක්ෂ සම්මානය ඇතුළු සම්මාන කිහිපයක්ම දිනා ගන්නා ලදී.
භූපති නලින් වික්‍රමගේ තිර රචනය කොට ඇති “දැකල පුරුදු කෙනෙක්” සඳහා සමාධි ලක්සිරි, බිමල් ජයකොඩි, ලක්ෂ්මන් මෙන්ඩිස්, කෞශල්‍යා ප්‍රනාන්දු, චමිලා පීරිස්, දයාදේව එදිරිසිංහ රංගන දායකත්වය සපයා තිබේ.
