"ද වයිස්රෝයි ස්පෙෂල්" කෘතියේ සිංහල අනුවාදය එළිදැක්වීම ජනපති ප්‍රධානත්වයෙන්
හේමසිරි ප්‍රනාන්දු විසින් රචිත The Viceroy Special කෘතියේ සිංහල අනුවාදය භාරත තෙන්නකෝන්ගේ නිර්මාණයක් ලෙස එළිදැක්වීම ඊයේ (06) පස්වරුවේ කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේ දී සිදු කෙරුණි.
ඒ ජනාධිපති මෛත්‍රිපාල සිරිසේනගේ ප්‍රධානත්වයෙනි.
එම අවස්ථාවට අමාත්‍ය අර්ජුන රණතුංග, රාජ්‍ය අමාත්‍ය අශෝක අබේසිංහ, හිටපු අමාත්‍ය නිමල් සිරිපාල ද සිල්වා, ආරක්ෂක ලේකම් හේමසිරි ප්‍රනාන්දු, ආරක්ෂක මාණ්ඩලික ප්‍රධානි අද්මිරාල් රවින්ද්‍ර විජේගුණවර්ධන, ගුවන් හමුදාපති එයාර් චීෆ් මාර්ෂල් කපිල ජයම්පති, මහාචාර්ය රෝහණ ලක්ෂ්මන් පියදාස, බුද්ධදාස ගලප්පත්ති, මාධ්‍යවේදී වික්ටර් අයිවන් ඇතුළු සම්භාවනීය ආරාධිත පිරිසක් එක්ව සිටියහ.
