“Scary Stories to Tell in the Dark” පූර්ව ප්‍රචාරක පටය අන්තර්ජාලයට

Andre Ovredalගේ සිනමා අධ්‍යක්ෂණයක් වන Scary Stories to Tell in the Dark හි නවතම පූර්ව ප්‍රචාරක පටය පසුගියදා අන්තර්ජාලය වෙත නිකුත් කළා.

මෙම චිත්‍රපටයේ තිර රචනය සඳහා ඔස්කාර් සම්මානලාභී, මෙක්සිකානු සිනමාවේදී Guillermo del Toro ද සම්බන්ධ වී තිබීම විශේෂත්වයක්. 2017 ඔස්කාර් සම්මාන දිනූ Shape of Water,  Pan’s Labyrinth, Hellboy, Pacific Rim ඔහු අධ්‍යක්ෂණය කළ අනෙකුත් ජනප්‍රිය සිනමාපට අතරට අයත් වනවා.

Zoe Margaret Colletti, Michael Garza, Austin Zajur ඇතුළු නළු නිළියන් පිරිසක් Scary Stories to Tell in the Dark සඳහා රංගන දායකත්වය සපයා තිබෙනවා.

Alwin Schwartzගේ කෘතියක් ඇසුරින් නිර්මාණය වූ මෙම චිත්‍රපටය එළඹෙන අගෝස්තු මස සිට ප්‍රදර්ශනය ආරම්භ කිරීමට නියමිත යි.