හිසතෙල් ගෑමේ නැකත අද

අලුත් අවුරුද්ද වෙනුවෙන් හිසතෙල් ගෑමේ නැකත අද පෙරවරුවේ යෙදී තිබේ.

පෙරවරු 7.40ට යෙදෙන සුබ මොහොතින් නැගෙනහර දිශාව බලා හිසට කොහොඹ පත් ද පයට කොලොන්පත් ද තබා පලාවන් පැහැති වස්ත්‍රාභරණයෙන් සැරසී කොහොම පත් යුෂ මිශ්‍ර නානු ද ගා ස්නානය යහපත් බව අවුරුදු නැකත් සීට්ටුවේ සඳහන් වේ.

හිසතෙල් ගෑමේ ජාතික මහෝත්සවය මෙවර පැවැත්වීමට කටයුතු යොදා ඇත්තේ කළුතර බෝඹුවල ශ්‍රී සුබෝධි රාජාරාම මූලස්ථාන මහා විහාර භුමියේ දී යි. ඒ ජනාධිපති මෛත්‍රිපාල සිරිසේන සහ අග්‍රාමාත්‍ය රනිල් වික්‍රමසිංහගේ ප්‍රධානත්වයෙනි.