ඩොමිනික් ඇඳපු Graffiti Art එකට වෙච්ච දෙයක්!

වත්තල හුණුපිටිය දුම්රිය හරස් මාර්ගය අසල බැම්මෙහි, ඩොමිනික් චන්ද්‍රසාලි කලාකරුවා කළ වීදි සිතුවම චිත්‍රණය කර සතියක් ගතවීමටත් මත්තෙන් ඊට කණගාටුදායක ඉරණමක් අත්ව ඇති බවට වාර්තා වෙනවා.

“Generation Green අපි” නම් කණ්ඩායම මුලිකත්වය ගෙන දින ගණනක් පුරාවට ඉතා වෙහෙස මහන්සි වී නිර්මාණය කළ මේ සිතුවම උඩ දැන්වීම් අලවා, විවිධ දෑ ලියා ඊට හානි කර තිබෙනු දැකීම කණගාටුවට කාරණයක්.

එසේම, එම දැන්වීම් අතර එක්තරා විශ්ව විද්‍යාලයක දැන්වීම් ද අලවා තිබීම දැකීමෙන් උගත් ළමුන් පිරිසක් මෙවැනි තත්වයකට පත්වීම ගැන ඇතිවන්නේ කළකිරීමක්.

කෙසේ වෙතත්, මෙම වීදි සිතුවම නැවත පිරිසිදු කිරීමට සැලසුම් කරගෙන සිටින බව "Generation Green අපි"  කණ්ඩායම දන්වා සිටි යි. ඒ එළඹෙන සෙනසුරාදා උදැසන 7.30 සිට ය.

තමන් අතින් සිදු වූ වැරැද්ද නිවැරදි කරගැනීමට මෙය අවස්ථාවක් කරගනිමින් එදින සහභාගී වන මෙන් වීදි සිතුවම මත දැන්වීම් ඇලවූ පිරිසට ඔවුන් ආරාධනා කර සිටි යි.