ටෙලි සිනමා විශිෂ්ටයින් අගයන සිග්නිස් උත්තමාචාර සම්මාන උළෙල අගෝස්තුවේ

42 වැනි වරට සංවිධාන කරනු ලබන සිග්නිස් ටෙලි සිනමා උත්තමාචාර සම්මාන උළෙල එළඹෙන අගෝස්තු 2 වැනිදා අති උත්කර්ෂවත් අයුරින් පැවැත්වීමට මේ වනවිට සියලු කටයුතු සුදානම් කර තිබේ.

සිනමා සහ ටෙලිනාට්‍ය ක්ෂේත්‍රයේ විශිෂ්ටයින් ඇගයීම පිණිස සංවිධාන කරනු ලබන මෙම සම්මාන උළෙල එදින සවස 6.30 ට කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී පැවැත්වේ.

2018 වසරේ තිරගත කළ සිනමාපට 25ක් සහ විකාශය කළ ටෙලි නාටක 19ක් මෙවර සම්මාන සඳහා තරග වදින අතර ප්‍රවීන, ජනප්‍රිය කලාකරුවන් රැසකගේ සහභාගිත්වයෙන් මෙවර සිග්නිස් උත්තමාචාර සම්මාන උළෙල පැවැත්වෙනු ඇත.