මෙවර සිග්නිස් යාවජීව උත්තමාචාරය ප්‍රවීන නිළි ශ්‍රියානි අමරසේනට
ජිවිතයේ එක්වරක් පමණක් පිදෙන සිග්නිස් උත්තමාචාර සම්මානය මෙවර පිරිනමනු ලබන්නේ ප්‍රවීන රංගන ශිල්පිනි ශ්‍රියානි අමරසේන වෙත ය.
ඒ හෙට (2) දිනයේ කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී පැවැත්වෙන සිග්නිස් ටෙලි සිනමා සම්මාන උළෙලේ දී ය.
42 වැනි වරට සංවිධාන කරන සම්මාන උළෙල පස්වරු 6.30 ට ආරම්භ කරන අතර සම්මාන සඳහා සිනමාපට 25ක් සහ ටෙලි නාටක 19 ක් ඉදිරිපත් වී තිබේ.
