ඇකඩමි නිර්දේශ ලත් The Post සිනමාපටය අද පුවත්පත් ආයතනයට

ශ්‍රී ලංකා පුවත්පත් ආයතනය විසින් මාසිකව සංවිධාන කරනු ලබන සිනමා දැක්ම සහ සංවාදය අද (25) සවස පැවැත්වේ.

කොළඹ 5, කිරුළ පාරේ පිහිටි පුවත්පත් ආයතනයේ දී වැඩසටහන ආරම්භ කෙරෙන්නේ සවස 3 ට යි.

ස්ටීවන් ස්පිල්බර්ග්ගේ අධ්‍යක්ෂණයක් වන The Post සිනමාපටය එහිදී ප්‍රදර්ශනය කෙරේ. මෙම සිනමාපටය 2018 ඇකඩමි සම්මාන උළලේ හොඳම සිනමාපටය සහ හොඳම නිළිය යන සම්මාන දෙක සඳහාත්, එම වසරේ ගෝල්ඩන් ග්ලෝබ් සම්මාන උළෙලේ සම්මාන 6ක් සඳහාත් නිර්දේශ විය.  ටොම් හෑන්ක්ස්, මෙරිල් ස්ට්‍රීප්, සාරා පෝල්සන් ඇතුළු පිරිසක් The Post සඳහා රංගනයෙන් දායක වී ඇති අතර එය ඇමරිකානු දේශපාලන ඉතිහාසයේ එක් පැතිකඩක් ගෙන හැර දක්වයි.