වෙනස් විදියට චිත්‍රපට පෙන්නන Cinema on Tour මෙවරත්

තෙවැනි වරටත් සංවිධාන කෙරෙන “Cinema on Tour 2019” ඔක්තෝබර් 5 වැනිදා සිට සිය චාරිකාව ආරම්භ කිරීමට නියමිත ය.

සිනමා දැක්මවල් සහ සංවාද ලෙසින් සිදු කෙරන මෙම වැඩසටහන මෙවර ප්‍රදේශ 8 ක පැවැත්වෙනු ඇත.

ඒ අනුව ඔක්තෝබර් 5 වැනිදා කල්පිටිය ශාන්ත සෙබෙස්තියන් දේවස්ථානය දළුව, ඔක්තෝබර් 6 වැනිදා නුවරඑලිය ස්මර්නා ශාලාව, ඔක්තෝබර් 12 වැනිදා අනුරාධපුර පුස්දිවුල්වැව මහා විද්‍යාලය ආසිරිගම සහ මඩවල මහා විද්‍යාලය නාමල්පුර , ඔක්තෝබර් 12 වැනිදා වවුනියාව කන්දසාමි කෝවිල් සංස්කෘතික ශාලාව, ඔක්තෝබර් 13 වැනිදා අම්පාර ටෙරල් රෙසිඩන්සීස්, ඔක්තෝබර් 19 වැනිදා තංගල්ල වාලුකාරාමය කුඩාවැල්ල සහ තුසිතාරාමය මාවැල්ල, ඔක්තෝබර් 24 වැනිදා හොරණ ශ්‍රී පාලි විශ්වවිද්‍යාලය, ඔක්තෝබර් 30 පේරාදෙණිය විශ්වවිද්‍යාලය යන ස්ථානවල සෑම දිනකම උදැසන 10 සහ පස්වරු 2 ට සිනමාපට ප්‍රදර්ශනය සිදු කෙරේ.

Cinema on Tour සඳහා නොමිලේ එක්වීමට ඔබට අවස්ථාව හිමිවන අතර සෑම දිනකම පැවැත්වෙන වැඩසටහන් පිළිබඳව වැඩි විස්තර දැන ගැනීමට මිරර් ආර්ට්ස් වෙබ් අඩවිය සමඟින් රැඳී සිටින්න.