ග්‍රැමී සම්මානලාභී ඔපෙරා තරුව දිවියෙන් සමුගනියි
21 වැනි සියවසේ වඩාත් කීර්තිමත් ගායිකාවක් ලෙස සැලකුම් ලැබූ ඇමරිකානු ඔපෙරා ගායිකා ජෙසී නෝමන් අභාවප්‍රාප්ත වී තිබේ.
මියයන විට ඇගේ වයස අවුරුදු 74 කි.
ජෝර්ජියාවේ ඕගස්ටා හි උපන් ජෙසී, ඔපෙරා ගායන ක්ෂේත්‍රයේ හිනිපෙත්තටම නැඟී කළු ජාතික ගායනවේදීන් අතලොස්ස අතර නමක් රැඳවූ ගායිකාවකි.
2006 වසරේ ග්‍රැමී සම්මාන උළලේ දී ජිවිතයේ එක්වරක් පමණක් හිමිවන ගෞරව සම්මානයෙන් ඇය පිදුම් ලැබුවා ය. එසේම ශ්‍රීමත් කෙනඩි ගෞරව සම්මානය 1997දී ත්, ජාතික කලා සම්මානය 2009 දී ත් ජෙසී නෝමන්ට හිමිවිය.
ඇයගේ අභාවය පිළිබඳ ලොව පුරා කලාකරුවන්, රසිකයින් සංවේගය පළ කර සිටියි.
