“කාංචනමාලා සජීවී ගී ප්‍රසංගය” 13 වැනි වරටත්
රංගන ශිල්පිනි කාංචනමාලා මහවිතාන විසින් ඉදිරිපත් කරනු ලබන “කාංචනමාලා සජීවී ගී ප්‍රසංගය” 13 වැනි වරටත් පැවැත්වීමට කටයුතු සුදානම් කර තිබේ.
ඒ අනුව ප්‍රසංගය නොවැම්බර් 10 වැනිදා සවස 6.30 ට මරදාන එල්ෆින්ස්ටන් රඟහලේ දී පැවැත්වේ.
ප්‍රවීන රංගන ශිල්පී සනත් ගුණතිලක, ප්‍රවීන රංගන ශිල්පිනි සුමනා අමරසේන, ප්‍රවීන රංගන ශිල්පිනි ශ්‍රියානි අමරසේන, ජනප්‍රිය රංගන ශිල්පිනි පූජා උමාශංකර්, මෝටර් රථ ධාවන ශුර ඩිලන්ත මාලගමුව, මහාචාර්ය පැට්‍රික් රත්නායක ඇතුළු කලා ශිල්පින්, ශිල්පිනියන් රැසක් එදින ප්‍රසංගයට එක්වේ.
පැරණි සිනමා ගීත මෙහිදී ඉදිරිපත් කෙරන අතර සිංහල, හින්දි සහ දමිල භාෂා ත්‍රිත්වයෙන්ම ඉතාමත් විරල ඇසීමට සියලු දෙනාට එහිදී අවස්ථාව හිමි වේ.
නොමිලේ පැවැත්වෙන “කාංචනමාලා සජීවී ගී ප්‍රසංගයට” පැමිණෙන මෙන් ඇරයුම්!
