ලෝක සිනමා දිනය සුදර්ශියේ දී සැමරේ

දෙසැම්බර් 28 වැනිදාට යෙදී ඇති ලෝක සිනමා දිනය සැමරීමේ වැඩසටහනක් සිංහල සංස්කෘතික ආයතනය සහ හෙලවුඩ් රංගන පාසල එක්ව සංවිධානය කර තිබේ.

ඒ අනුව දෙසැම්බර් 28 වැනිදා උදැසන 10 සිට සවස 3 දක්වා කොළඹ 7, සුදර්ශි ආයතනයේ දී මෙම සැමරුම පැවැත් වේ.

ලෝකයේ සහ ආසියාවේ මුල්ම චිත්‍රපට කොටස් ප්‍රදර්ශනය, සිනමා විද්වතුන්ගේ දේශන, ලෝකයේ සම්මානනීය කෙටි චිත්‍රපට ප්‍රදර්ශනය, සිනමා පොත් පත් සඳහා අලෙවිසැල්, නවක සිනමාකරුවන්ගේ රැඟුම්, වැයුම් ගැයුම්, ආධුනික රංගන ශිල්පින්ගේ සහතික පත් ප්‍රදානය ඇතුළු කටයුතු රැසක් එදින සිදු කිරීමට නියමිත ය.

එදිනට එක්වන මෙන් ඔබටත් ඇරයුම්!